BAGUIO CITY – Impannakkel ti Muslim Community ditoy siudad ti Baguio a 98 percent kadagiti kakaduada a nagkandidato iti napalabas a barangay ken SK elections ti nangabak.
Sigun kenni Atty. Yaser Guro, dadaulo ti National Commission for Muslim Filipinos – Baguio, mangipaspasimudaag laeng daytoy a napintas ti linnangen dagiti Muslim ken dagiti non-Muslims kadagiti lugar a pakasarakan ti Muslim Community.
Mangnamnama met daytoy a saysayaaten pay dagiti kakailyanna a Muslim ti ipaayda a serbisyo publiko kadagiti umili iti masakupanda a barangay.
Karaman kadagiti barangay ditoy siudad a nangabakan dagiti Muslim ket sadiay Malcolm Square, Campo Filipino, Kagitingan ken Ferdinand.
Kabayatanna, pinaglibakanna met ti maibagabaga a dagiti Muslims ti mangidadaulo iti riribuk iti kallepas nga eleksion ditoy lokalidad.