--Ads--
BAGUIO CITY – Nakaiyawid iti tallo a gold medals, dua a silver medals ken tallo a bronze medals dagiti wrestlers ti siudad ti Baguio iti naangay a Wrestling National Open idi kalman sadiay Metro Manila.
Sigun kenni head coach Christian Gazmin, karaman kadagiti gold medalist da Henry Foy-os iti 66-kilogram greco juniors, Emily Lopez iti freestyle cadets ken Meg Guinyawan iti 52-kilogram division.
Nagbalin met a silver medalist da Anthonie John Tenullar iti 66 kilogram junior free-style ken Michael Fangki iti 70-kg free style.
Kabayatanna, dagiti met bronze medalist ket da Ismael Bandiwan iti 61-kilogram freestyle seniors, Ryan Carranza iti 59 kilogram greco seniors ken ni David Caoili iti 55-kilograms freestyle seniors.
