BAGUIO CITY – Boluntaryo a nagsubli iti gobyerno ti walo a miyembro ti Sangay Organization nga adda iti sidong ti Militia ng Bayan ti New People’s Army (NPA).
Simmuko dagiti nasao nga indibidual kadagiti kameng ti Tubo Municipal Police Station sadiay Abra ken iti 24th Infantry Battalion ti Philippine Army.
Segun kadagiti nasao nga indibidwal, nagdesisyon dagitoy nga agsubli iti gobyerno tapnu agbiag dagitoy a nawaya ken tapnu matutokanda ti trabaho dagitoy.
Impanamnama met dagitoy a suportaranda dagiti plano ken programa ti Duterte Administration.
Naamuan a maipaayan dagitoy iti umno a benipisyo babaen iti Comprehensive Local Integration Program ti gobyerno.
Ginuyuguy met ni PCSupt. Elmo Francis Sarona, dadaulo ti Police Regional Office- Cordillera, dagiti nabatbati a miyembro ti NPA nga agsubli dagitoy iti gobyerno.
