Agtultuloy ti imbestigasyon ti National Bureau of Investigation (NBI) kadagiti sanikua ni Vice President Sara Duterte ken ti pamilya daytoy, kasaruno ti alegasyon ti sigud a police a ni Rodulfo Gracioso Jr. nga immawat ti pamilya Duterte iti kuarta manipud kenni sigud a House Speaker Lord Allan Velasco, Zaldy Co, Miro Quimbo ken sumagmamano a kontraktor ti Department of Public Works and Highways (DPWH).
Sigun kenni NBI Director Melvin Matibag, imbestigaranda no naigatang ti nasao a kuarta iti lote, resort, hotel ken nginginaen a subdivision.
Maipalagip nga inakusaran ni Gracioso nga immawat iti minil-milyon a kuarta ni VP Sara Duterte, Davao City Representative Paolo Duterte ken sigud a President Rodrigo Duterte.
Pinaglibakan daytoy ti bise presidente, bayat a kinarit ni Paolo Duterte ti NBI nga iruarda ti ebidensiya a mangpanenek iti nasao nga alegasyon.
