--Ads--
BAGUIO CITY – Iimimbestigaran dagiti otoridad ti panakapapatay ti maysa a mannalon sadiay Sitio Landas, Brgy. Gaddani, Tayum, Abra idi kanikadua.
Nabigbig daytoy a ni Valentin Monson Elveña, 49, awanan iti asawa ken residente ti Sitio Landas, Brgy. Gaddani, Tayum, Abra.
Nakaawat laengen iti report ti Tayum PNP seknan iti bangkay a nasarakan iti nasao a lugar.
Iti panagresponde dagitoy ket nakitada ti bangkay ti biktima.
Iti panangiproseso ti scene of the crime operatives iti crime scene ket naamoan a nagsagrap ti biktima iti maysa a tama ti paltog iti likodna ken sinit ti sigarilyo iti kanigid nga ima daytoy.
Dukduktalen ita dagiti otoridad ti kinasiasino dagiti suspek ken nu anya ti motibo dagitoy iti nasao a krimen.
