--Ads--
BAGUIO CITY – Posible a maideklara manen a drug affected barangay ti San Luis Village ditoy suidad ti Baguio.
Iti panakiuman ti Bombo Radyo News Team kenni PCI Eddie Bagto, hepe ti Baguio City Police Office Station 1, daytoy ket kalpasan a nakemmeg ti maysa a drug personality iti nasao a lugar idi kalman.
Nabigbig daytoy a ni Roland Sanja Baracad, 35-anyos, negosyante ken agab-abang iti nasao a lugar.
Naala manipud iti ikot ti suspek ti tallo a plastic sachet a naglaon iti maatap a shabu, orihinal a P500 bill ken boodle money a P1,000 bill.
Sumangsango daytoy iti kaso a panaglabsing iti Comprehensive Drugs Act of 2002.
