BAGUIO CITY – Agsagsaganan dagiti doktor ken nars ti Department of Health (DOH) – Cordillera ken ti Baguio General Hospital and Medical Center para iti panagturongda sadiay Marawi City.
Iti panakiuman ti Bombo Radyo kenni Nurse IV Clark Dizon, Emergency Management Coordinator ti DOH-Cordillera, kinunana a posible nga agbiahe dagitoy paturong sadiay siudad ti Marawi inton November 21.
Kinunana a paset daytoy ti programa ti DOH-Central Office kas panagtulongda kadagiti umili ti nasao a siudad nangruna dagiti nagnaed kadagiti evacuation centers ken pagagasan iti las-ud ti adu a bulan gapu iti napasamak a rinnupak sadiay.
Dinakamatna a 24 ti bilang dagiti nars ken doktor a mangbukel iti emergency medical team ti rehion Cordillera ken agtalinaedda sadiay Marawi City iti 12 nga aldaw.
Maibasar iti datus ti DOH – Central Office, nasurok 400,000 nga indibidual ti naapektaran iti napasamak a gubat iti siudad ti Marawi ken nasurok met iti 16,000 dagiti na-admit kadagiti health facilities.
—————– Filipino translation ————-
BAGUIO CITY – Naghahanda na ang mga doktor at nars ng Department of Health (DOH)-Cordillera at Baguio General Hospital and Medical Center na magtutungo sa Marawi City.
Ayon kay Nurse IV Clark Dizon, Emergency Management Coordinator ng DOH-Cordillera, maaaring magbiyahe ang mga ito papunta sa Marawi City sa Nobyembre 21.
Sinabi niya na 24 na nars at doktor ang bubuo sa emergency medical team ng Cordillera at mananatili sila sa Marawi City sa loob ng 12 araw.
Aniya, ang pagtulong nila sa mga apektadong residente ng nasabing lunsod ay bahagi ng programa ng DOH-Central Office na naglalayong tumulong lalo na sa mga nananatili sa mga evacuation centers.
