BAGUIO CITY – Nanayonan ti tropa ti gobyerno a naipatulod sadiay Sanguit, Dupax Del Sur, Nueva Vizcaya kalpasan ti maysa manen nga engkwentro iti nagbaetan ti militar ken dagiti rebelde a New People’s Army (NPA) idi kanikadua.
Sigun kenni Lt. Col. Isagani Nato, Public Information Officer ti Northern Luzon Command ti Armed Forces of the Philippines, para daytoy iti maisaysayangkat a pursuit operations kadagiti nagsanod a rebelde a grupo.
Kinunana nga iti malem ti Martes ket naka-engkwentro dagiti kameng ti 72nd Division Reconnaissance Company iti sidong ti 7th Infantry Division ti Philippine Army dagiti agarup pito a kameng ti NPA iti sidong ti Venerando Villacillo Command.
Addaan operasyon ti nasao a grupo iti nagbeddengan ti Nueva Vizcaya ken Quirino Province.
Kinunana a manarimaan ti combat operation dagiti soldado iti nasao a lugar idi timmaud ti sangapulo a minutos a rinnupak iti nagbaetanda kadagiti rebelde.
Nakarekober met ti militar iti dua nga M14 rifles nga addaan ti dua a magazines; 15 a bala ken maysa a plastic bag a naglaon iti taraon dagitoy.
Nagsanod met dagiti kalaban paturong iti amianan daya ti nasao a lugar.
Kabayatanna, impannakkel ni Lt. Col. Nato a babaen iti awan sardeng a panagbantay dagiti soldado ket malaplapdan ti panagaramid dagiti kalaban iti dakes kadagiti umili ken komunidad iti Amianan a Luzon.
———————– Filipino translation ————
BAGUIO CITY – Nadagdagan ang tropa ng pamahalaan na ipinadala sa Sanguit, Dupax Del Sur, Nueva Vizcaya matapos muling magkaengkwentro ang militar at ang mga rebeldeng New People’s Army (NPA) doon kamakalawa.
Ayon kay Lt. Col. Isagani Nato, Public Information Officer ng Northern Luzon Command ng Armed Forces of the Philippines, para ito sa pursuit operations sa mga umatras na rebeldeng grupo.
Sinabi niya na hapon ng Martes nang makaengkwentro ng mga kasapi ng 72nd Division Reconnaissance Company sa ilalim ng 7th Infantry Division ng Philippine Army ang halos pitong NPA members sa ilalim ng Venerando Villacillo Command.
Ang nasabing command ay may operasyon sa boundary ng Nueva Vizcaya at Quirino Province.
Aniya, nagsasagawa ng combat operations ang mga sundalo sa nasabing lugar nang magkaroon ng sampung minutong palitan ng putok sa pagitan ng militar at mga NPA.
Narekober naman ng militar ang dalawang M14 rifles na may dalawang magazines; 15 na bala at isang plastic bag na naglalaman ng pagkain.
Umatras naman ang mga kalaban patungo sa hilagang-silangang bahagi ng lugar.
Samantala, ipinagmalaki ni Lt. Col. Nato na sa pamamagitan ng walang patid na pagbabantay ng mga sundalo ay napipigilan ang paggawa ng karahasan ng mga kalaban sa Hilagang Luzon.
