BAGUIO CITY – Maipalpalagip kadagiti maseknan a lokal a gobyerno ti panangipatungpalda iti nabukel a contingency plan dagitoy para iti manamnama a panagado manen dagiti basura ita a holiday season.
Sigun kenni Environmental Management Bureau – Cordillera regional directotr Reynaldo Digamo, partikular a palpalagipanna dagiti opisyal ti maseknan a siudad wenno munisipyo a kangrunaan a pagturturongan dagiti turista ita bakasyon.
Kinunana a gapu iti panagado dagiti turista ket namanama met ti epekto daytoy iti aglawlaw nangruna ti adu a kas iti mapaspasaran ti Baguio City.
Innayonna a nabilin metlaeng dagiti Parks and Protected Area Superintendents a mangiwanwanwan kadagiti bambantay iti rehion a pakaisaysaykangkatan dagiti trekking ken camping activities kas iti Mt. Pulag sadiay Kabayan, Mt. Purgatory sadiay Bokod ken iti Mt. Ugo ken Mt. Ulap sadiay Itogon, Benguet.
