BAGUIO CITY – Mangisayangkat iti inspeksion ti Department of Transportation (DOTr) – Cordillera kadagiti nagduduma a terminal dagiti parapasahero a lugan ditoy siudad ti Baguio mangrugi inton bigat, December 14.
Sigun kenni DOTr – Cordillera Assistant Regional Director Mohammed Nasser Abbas, paset daytoy ti nasapa a panagsagana para iti natalged a panagbiyahe dagiti nagduduma a transport group para kadagiti ado a turista ken commuter ita a holiday season.
Mangipaayda met laeng iti libre a burgers kadagiti drivers nga awanan iti aniaman a panaglabsing iti unit dagitoy.
Kinunana pay a bigbigbigenda ti panagtulnog dagiti dadduma a drivers partikular iti nagduduma a traffic rules ti DOTr.
Innayonna a dumanon iti 300-500 a burgers ti manamnama nga iwaras dagitoy inton bigat, aldaw ti Huwebes.
