Australiano, nakemmeg gapu iti panangdangranna iti maysa a balasang ditoy Baguio City

BAGUIO CITY – Nakemmeg ti maysa a gangannaet gapu iti panangdangranna iti maysa a balasang sadiay Upper Session Road idi kalman.

Nabigbig daytoy a ni Peter Sem John, 29-anyos, estudyante, maysa nga Australiano bayat a ti biktima a babae ket 18-anyos, estudyante ken residente ti Upper Engineers Hill, Baguio City.

Maibasar iti report, magmagna ti biktima iti nasao a disso idi killaat a dinanog ti nabartek a suspek ti teltelna.

Naimatangan daytoy dagiti maseknan nga umili a dagus a nangarayat iti biktima.

Inreportda met ti insidente kadagiti pulis a nangitunda iti panakakemmeg ti suspek.