BAGUIO CITY – Dinar-ayan ni Presidente Rodrigo Duterte ti kallaysa ti sigud nga actress ken singer a ni Michelle Ortega ken ni Police Director Gregorio Pimentel, Directorate for Intelligence ti Philippine National Police (PNP).
Naangay ti kallaysa iti maysa a nalatak a hotel sadiay Camp John Hay a dinar-ayan dagiti nasisinged a kameng ti pamilya ken gagayyem ti agasawa.
Naamuan a nagserbi ni Presidente Duterte a ninong ti baro nga agasawa.
Dimmar-ay met iti nasao nga okasyon da Senate Majority Leader Vicente Sotto III ken Ilocos Norte Governor Imee Marcos.
Ni Michelle ket agdama nga Assistant Secretary ti Department of Social Welfare and Development ken daytoy ket anak daydi Baguio City Councilor Roberto ‘Bobby’ Ortega ken ina ti young actress a ni Ysabel Ortega.
Ni Police Director Pimentel ket miembro ti PMA Sandiwa Class of 1985 ken tubo ti San Quintin, Pangasinan.
