BAGUIO CITY – Ngimmato ti bilang dagiti maipaspasngay a maladaga iti rehion Cordillera.
Sigun kenni Gerard Tolito, Outlet Supervisor iti Philippine Statistics Authority (PSA) – Cordillera, kadagiti napalpalabas a tawen ket saan a bumaba iti 200,000 ti bilang dagiti maladaga a tinawen a maipaspasngay.
Kinunana a maibasar iti listaan ti PSA-Cordillera ket dimmanon iti nasurok 262,000 dagiti maladaga a naipasngay idi napalabas a tawen 2017 bayat nga idi 2016 ket agarup 238,000.
Innayonna a mangipaspasimudaag daytoy a tinawen a manaynayonan ti populasyon ti siudad.
Dinakamatna a kaaduan a nakaipasngayan dagiti maladaga ket iti bulan ti Enero, Pebrero, Marso, Mayo, Hunyo ken Hulyo.
Kagiddan iti daytoy, inyapela ni Tolito kadagiti nagannak a no saanda pay a nairehistro dagiti annakda ket kasapulan nga iparehistroda dagitoy iti kabiitan a panawen.
