BAGUIO CITY – Nadangran ti dua a construction workers kalpasan nga aksidente a nakuryente dagitoy iti uneg ti ar-aramidenda a pagtaengan sadiay Toyong, Pico, La Trinidad, Benguet idi kalman.
Nabigbig dagitoy a da Dino Calaguy Caleb, adda iti legal nga edad, baro, tubo ti Otucan, Bauko, Mt. Province ken ni Angel Fontanilla Alban Jr., 36-anyos, naasawaan, tubo ti Agoo, La Union ken agpada nga stay-in construction workers iti nasao a pagtaengen.
Maibasar iti report ti La Trinidad PNP, isimsimpa dagiti biktima dagiti steel bars iti datar iti maikatlo a kadsaaran ti balay.
Nupay kasta, aksidente a naisagid iti live electric primary line ti BENECO ti iggem dagitoy nga steel bar.
Dagus nga inibbatan ni Alban ti iggemda nga steel bar bayat a natnag iti kalsada ti biktima a ni Caleb.
Agpada a naitaray iti pagagan dagiti dua para iti panakataming dagitoy.
