BAGUIO CITY–Nakasaganan ti lokal a gobyerno ti Baguio iti panakaramabak ti Panagbenga 2018.
Iti panakipatang ti Bombo Radyo kenni Councilor Elmer Datuin, chairman ti executive commitee ti Baguio Flower Festival, kinunana a nakasaganan ti siudad iti opening parade a maangay inton Pebrero 1.
Kinunana a ti nasao a parada ket pasetan dagiti 11 a pagadalan ti elementarya ditoy siudad, dagiti opisyal ti barangay ken dadduma pay a grupo.
Maipalagip a babaen metlaeng iti nasao a parada ket mapili dagiti pagadalan a makipaset iti grand street parade inton Pebrero 24.
Kinunana a kalpasan ti parada ket maangay met ti programa iti Baguio athletic bowl para iti pormal a panagrugi ti Panagbenga 2018.
Mainaig iti daytoy, kinunana nga agsagsaganan ita dagiti 16 a landscape artist para iti landscape competition sadiay Juan Luna Drive.//at
