BAGUIO CITY — Im-imbestigaran ita ti lokal a gobyerno ti La Trinidad, Benguet ti panakaitambak dagiti basura ti maysa a nalatak a fast food chain ken ti scrap ti maysa a dakkel a kompanya iti siudad ti Baguio iti maysa a pagtaengan sadiay Sitio Tili, Barangay Shilan.
Sigun kenni Mayor Romeo Salda, idi napalabas a lawas ket naiyuman kadakuada dagiti nakatambak a basura iti paraangan ti maysa a residente sadiay Tili, Shilan.
Kinunana nga iti inspeksion nga insayangkat ti Municipal Environment and Natural Resources Office ken ti Environmental Management Bureau (EMB) ket naduktalan a ti nasao a residente ti agserserbi a taga-akop dagiti basura ti maysa a nalatak a panganan ken ti scrap ti maysa a kompanya.
Kinuna ti mayor a nagkaiwara laeng iti paraangan ti nasao nga indibidual dagiti basura nangruna dagiti styro, plastic cups ken dadduma pay manipud iti panganan a maysa kadagiti kangrunaan a parikot sadiay.
inakamatna a naipasardeng met ti operasyon daytoy kalpasan a naamuan nga awanan daytoy ti registration nga agakop ti basura, awanan ti business permit, awanan ti designated dumping site, clearance ken dadduma pay
