BAGUIO CITY — Marikriknan ditoy lokalidad ti kinakurang ti suplay ti National Food Authority (NFA) rice.
Sigun Angelita Gayados, presidente ti rice section ti Baguio City Public Market, limitado itan iti tallo a kilo ti mabalin nga ilako ti maysa a retailer iti tunggal kustomer.
Inlawlawagna a daytoy ket gapu pay laeng iti panagkurang dagiti maang-angkat a suplay ti bagas,
Dinakamatna a nangrugi a marikna ti epekto ti kinakurang ti suplay ti NFA rice iti maudi a bulan ti Enero ken manamnama a mapasaran daytoy agingga ti panagleppas ti Pebrero.
Mangnamnama dagiti retailer nga agbalin nga umdas ti suplay ti NFA rice inton sumaruno a bulan kagiddan ti isasangpet dagiti maangkat a bagas.
Innayon ni Gayados nga iti agdama ket aggatad iti P32 ti tunggal kilo ti NFA rice iti merkado.
