BAGUIO CITY – Panggep ti Department of Agriculture (DA) – Cordillera a mapagbalin a binulan ti TienDA sa Cordillera a maisaysangkat iti Benguet Agri-Pinoy Trading Center (BAPTC) sadiay La Trinidad, Benguet.
Iti panakipatang ti Bombo Radyo kenni DA-Cordillera Regional Director Narcisso Edillo, kinunana nga ikagumaanda a pagbalinen a binulan ti maipatungpal a TienDA tapnu ad-ada a maital-o dagiti nagduduma a produkto ditoy rehiyon.
Kinunana a babaen metlaeng iti daytoy ket maital-o pay dagiti produkto manipud dadduma a lugar wenno rehion iti Pilipinas.
Mainaig iti daytoy, impannakkelna a nagbalin a balligi ti panakaisayangkat ti Tienda sa Cordillera idi Biyernes ken Sabado.
Maipalagip a nailako sadiay dagiti nagduduma a produkto dagiti mannalon ken mangngalap manipud Luzon, Visayas ken Mindanao.
