--Ads--
BAGUIO CITY – Naipaayan iti akreditasyon ti 162 a grupo dagiti mannalon para iti panagbalin dagitoy a miyembro ti Benguet Agri-Pinoy Trading Center (BAPTC).
Segun kenni Dr. Violeta Salda, chief of operation ti nasao a pasilidad, dagiti nasao a grupo ket bukbuklen ti 1,405 nga indibidual.
Kinunana nga iti agdama ket 692 ti bilang dagiti mannalon a miyembro ti BAPTC malaksid pay kadagiti 379 a market facilitators, 85 nga individual buyers ken 6 nga grupo ti inter-traders.
Innayona nga adda metlaeng ti 21 a grupo dagiti buyer ken sellers a tumultulong kadakuada ken karaman metlaeng iti daytoy ti tallo a transport groups.
Impaka-ammona pay nga iti umuna a kwarter ti 2018 ket dumanon iti 434,000 a kilo ti nateng ti nagatang sadiay.
