--Ads--
BAGUIO CITY – Nangrugin ti panakaipasdek ti Dairy Farm sadiay Nangalisan, Tuba, Benguet.
Sigun kenni Mayor Ignacio Rivera, naponduan ti proyekto babaen iti Department of Agriculture ken ti lokal a gobyerno ti Tuba.
Kinunana nga aglawas ti pasdek iti tallo nga ektarya ken agserbi daytoy nga agro-tourism site ti munisipyo.
Dinakamatna a ti nasao a Dairy Farm ket agserbi nga eskwelaan dagiti mannalon.
Kinuna ti mayor nga apaman a malpas ti pasdek ket maipatungpal sadiay ti organic farming a pakaimulaan dagiti high value crops ken pakataraknan ti nagduduma a livestock.
Mangnamnama pay daytoy a dagus a malpas ti pannakipasdek ti nasao a Dairy Farm tapno dagus daytoy a mapagnumaran dagiti mannalon.
