BAGUIO CITY – Sumangsango ti maysa a kandidato iti kina-kapitan ti barangay iti kaso nga threats, physical injuries ken panaglabsing iti Presidential Decree 1811 wenno ti Illegal Possession of Deadly Weapon mainiag iti COMELEC Gun Ban.
Nabigbig daytoy a ni Julieto Cleto Fagwan, 45-anyos, naasawaan, mannalon ken kandidato iti kina-kapitan ti Barangay Balili sadiay Mankayan, Benguet.
Nabigbig met dagiti biktima a da Daniel Batoon, 28-anyos, baro, mannalon, residente ti Central Balili, Mankayan ken Reynante Guyo, 28-anyos, naasawaan, mannalon, residente ti Central Balili, Mankayan.
Nailanad iti report a ni Batoon ket dinangdangran ni Fagwan bayat a ni Guyo ti pinangpangtaan daytoy.
Nakemmeg ni Fagwan babaen kadagiti residente iti nasao a lugar ken impaimada dagitoy iti pulisya.
Narekober pay iti ikot ti suspek ti maysa a ramboo knife.
