BAGUIO CITY – Maur-uray ti pammilin ti COMELEC – Central Office seknan iti posible a panakadiskwalipikar dagiti sumagmamano a nabotosan nga SK Officials ditoy siudad ti Baguio gapu kadagiti nagduduma a rason.
Sigun kenni Atty. John Paul Martin, City Election Officer, tallo nga SK Officials ti nabigbigda a posible a madiskwalipikar gapu iti nagsobra a tawen dagitoy.
Kinunana a dagiti tallo ket bukbuklen ti dua a nangabak nga SK Chairman ken maysa nga SK Kagawad.
Inlawlawagna a dagus a mawaswas ti proklamasyon dagiti tallo iti kanito a makagteng iti opisinada ti kaskenan a pammilin.
Innayonna a sakbay ti naangay nga eleksion ket adda iti naawatda a pammilin manipod iti First Divison ti COMELEC-Central Office a mangibilbilin iti panakdiskwapilikar ti dua a kandidato ti SK election ngem sakbay a naiserbi ti nasao a pammilin ket insanod met laeng dagiti dua a kandidato ti kandidatura dagitoy.
