BAGUIO CITY – Nairaman ti Igorot MMA fighters a da Danny “The King” Kingad ken Edward “The Ferocious” Kelly iti fight card ti ONE: Pinnacle of Power a maangay inton June 23 iti Studio City Event Center ti Macau.
Makasango ti sigud a flyweight world title challenger iti preliminary card ti Chinese sensation a ni ’The Southern Eagle’ Ma Hao Bin.
Makasango met ni Kelly ti sigud a ONE Featherweight World Champion a ni Narantungalag Jadambaa ti Mongolia.
Maipalagip nga idi Enero ket nailista ni Kelly ti kapartakan a knockout iti featherweight division ti ONE Championship kalpasan nga inabakna ni Meas Meul ti Cambodia babaen iti 21-second highlight-reel knockout.
Makadua da Kingad ken Kellt iti nasao a fight card ti stable mate dagitoy iti Team Lakay a ni ONE Interim Flyweight World Champion Geje Eustaquio.
Naituding met a lumaban ni Eustaquio iti co-main event para iti unification bout ti tituloda kenni ONE Flyweight World Champion Adriano Moraes.
Immunan a nagsango dagitoy iti cage idi 2014 para iti inaugural ONE Flyweight World Title a nakaabakan ni Eustaquio.
