BAGUIO CITY – Nakemmeg ti maysa a lalaki gapu iti kaso a robbery extortion a napasamak iti gasoline station sadiay Kisad Road, siudad ti Baguio idi kanikadua.
Nabigbig daytoy a ni Edmar Paas Calindas, 19-anyos, awanan trabaho ken residente ti Conner, Apayao bayat a ti biktima ket sigud a nobyana nga agtawen iti 28, naasawaan, overseas filipino worker ken residente ti Meycauayan, Bulacan.
Maibasar iti report, personal a nagturong ti biktima iti Baguio City Police Office – Station 5 ken kiniddawna ti tulong dagiti pulis gaputa sabtenna ti suspek nga agkidkiddaw ti P10,000.
Kinuna ti biktima a butbutngen daytoy ti suspek nga ipablaak ti suspek dagiti lamolamo a ladawanna no saanna nga ikkan ti kwarta ti suspek.
Insayangkat dagiti pulis ti entrapment operation kontra iti suspek a nangitunda iti panakakemmeg daytoy.
