Impeksa ni Atty. Gacayan nga umdasen dagiti inpresenta ti prosekusyon kadagiti impeachment articles.
Nupay kasta, mabalin daytoy nga i-rebut ni Vice President. Sigun kenni Atty. Gacayan, nu adda ti napintas a pammalawag ti bise presidente, mabalin daytoy a ma-acquit.
Iti baet dayta, impeksa metlaeng ti nasao a consititutional expert nga asinoman a mangkita iti mannarimaan a kaso, maibagada nga umdas ti inpresenta ti prosekusyon nangnangruna dagiti dokumento manipud iti AMLC, bangko, ken dadduma pay gapu ta saan a mabalin a maawagan a ‘falsified’ dagitoy.
Malaksid iti dayta, maysa metlaeng kadagiti ebidensya ti SALN , ken dadduma pay a papeles ti bise presidente.
Kabayatanna, patien ni Atty. Gacayan a ti aramaten ti depensa kontra iti Article II ket ti panangipetteng nga ‘inadmissible’ dagiti nasao a dokumento tapno maaramat kontra iti bise presidente.
Impetteng ni Atty. Lauro Gacayan , Legal Luminary and Constitutional Expert a para kenkuana, ti Article II wenno ti saan a mailawlawag a kinabaknang ti kadagsenan kadagiti articles of impeachment kontra kenni Vice President Sara Duterte.
Iti pannakiuman ti Bombo Radyo kenkuana, kinunana a daytoy ket gapu ta dagiti naipresenta ket dokumento a saana a mapagkedkedan gapu ta nagapo daytoy kadagiti nagduduma nga opisina ken bangko.
Maysa kadagiti inyunay-unayna ti saan a panangideklara ti bise presidente kadagiti dadduma a kita na iti SALN daytoy, banag a dakkel a pananglabsing iti linteg. Sigun kenkuana, uray maysa laeng a saanna nga ideklara iti SALN na ket pananglabsing latta iti linteg.
Indilig na pay daytoy iti kaso ti pannakaimpeach ni Chief Justice Corona no sadino naideklara na met amin a sanikua ken kuwarta na malaksid laeng iti dollar deposit daytoy.
Iti baet dayta, mabalin met latta nga aglawlawag ti bise presidente seknan kadagiti numero a saan a naideklara iti SALN na no sadino no adda ti napintas a rason daytoy, mabalin daytoy a ma-acquit.
