Bangkay ti naiyanod a driver iti Badiwan River, naisarakanen

BAGUIO CITY–Nasarakanen ti bangkay  ti naiyanod a driver manipod iti kanal sadiay Marcos Highway agingga iti Badiwan River.

Immunan a nabigbig daytoy a Mencio Amiten, 57 anyos ken  residente ti Pula, Poblacion, Tuba, Benguet.

Sigun kenni Poblacion,Tuba Barangay kapitan Oliver Paus, nasarakanda ti bangkay iti alas dos ti malem  idi kalman kalpasan ti uppat nga aldaw a panagsapsapolda.

Kinunana a naipit ti bagi ni Mencio iti dadakkel a bato  iti karayan ken kasapulan pay nga impaigidda  dagiti bato a tapnu maalada ti bagi daytoy.

Gapu iti daytoy, insingasing dagiti barangay officials ti Tuba ti panakaissera dagiti open canals sadiay Marcos Highway tapnu maliklikan  ti kapada  nga insidente. ^{burijit J}