[DAMAG ESPESYAL]Ubing sadiay Indonesia nga agtawen laeng iti dua, makaib-ibus iti 40 nga stick ti sigarilio iti maysa nga aldaw
BAGUIO CITY–Kamarkaro ti parikot maipapan iti panagsigarilio ken uray dagiti ubbing ket ammodan ti agsigarilio.
Ngem nakaro wenno nalabes ti maipapan iti maysa nga ubing sadiay Indonesia nga agtawen laeng iti dua gapu ta nasursuronan ti agsigarilio iti baet ti kinaubingna.
Maibasar iti damag, kabaelan ti nasao nga ubing ti makaibus iti 40 nga stick ti sigarilio iti maysa laeng nga aldaw.
Sigun iti ina ti ubing, nangrugi ti panagsigarilio ti anakna, duan a bulan ti napalabas manipud idi adda dagiti ubbing a nangited iti sigarilio kenkuana.
Kinuna ti ina a manipud idin ket nga agsapsapul ti anakna iti sigarilio ken no saanda daytoy nga ikkan ket agwala wenno mangriribok daytoy ken saan nga agpakaturog gapu ta saan a sumardeng nga agsangit.
Gapu iti daytoy ket mapilitan ti ina a mangited iti sigarilio iti anakna ken kabaelanna nga ibusen ti dua a kaha iti agmalem.
Adu dagiti mangbabbabalaw kadagiti nagannak ti nasao nga ubing gapu iti panangipalubosda iti nasapa unay a panagbisio ti anakda.
Gapu iti daytoy, panggep dagiti nagannak nga ipataming iti eksperto ti anakda tapno maisardeng ti panagsigarilio daytoy.
