BAGUIO CITY–Naawaten ti Department of Agriculture-Cordillera ti pinal a report a nadadael iti Rehion nga intunda ti bagyo nga Ompong.
Dumanonen iti pakabuklan a P5.7 Billion ti nadadael sektor ti agrikultura kas iti produkto a mais,pagay,ken poultry and livestock.
Malaksid iti daytoy, nailista ti probinsia ti Kalinga iti kangatuan a naapektaran iti sektor ti Agrikultura a dumanon iti pakabuklan P2.1 Billion, iti Apayao a P1.4 Billion, Ifugao nga P1.1 Billion , Mt. Province a P364 Million, Abra a P419 Million ken iti Benguet a 428 Million.
Kiniddaw ti nasao nga ahensia ti P2 Billion para iti rehabilitasyon program tapno isumitir daytoy iti DA-Central Office ken mangipaay da iti nasao a pondo.
Iti agdama awan pay ti naawat dagitoy a tulong kas iti seedlings, greenhouse ken daduma pay nga agri-infrastructure.
