--Ads--
BAGUIO CITY – Nakapataud iti P25,000 ti dua nga aldaw a ‘busking’ wenno panag-perform kadagiti kalkalsada iti Baguio City para kadagiti biktima ti Bagyo nga Ompong nga adda ita iti pagagasan.
Indauluan dagiti artists ti grupo a Pasakalye ti nasao nga aktibidad a panagkanta ken panagtukar iti deppaar ti Session Road tapnu maguyugoy dagiti lumablabas a mangidonar ti kwarta para kadagiti biktima ti bagyo nga adda ita iti Baguio General Hospital.
Naipaay ti naur-or a gatad kadagiti walo a pasyente a biktima ti bagyo tapnu makatulong iti gastos dagitoy.
Maipalagip a maisaksakad ita iti siudad ti linteg a nasken nga agala iti permit dagiti agipatungpal ti ‘busking’ tapnu agbalin a legal dagitoy.
