Nagduduma a paltog ken bala, nakumpiskar sadiay Tuba, Benguet

BAGUIO CITY – Nakumpiskar ti nagduduma a paltog iti panangiserbi dagiti pulis iti search warrant sadiay Baracbac, Ansagan, Tuba, Benguet idi agsapa.

Impaulog ni Judge Danilo Camacho, Vice Executive Judge ti RTC-Branch 62 ti La Trinidad, Benguet ti nasao a pammilin.

Nakumpiskar iti operasyon ti dua a shot guns, maysa a caliber 22, maysa a pidaso ti magazine ti ababa nga M16 rifle, dua a pidaso ti magazine ti atiddog nga M16 rifle ken 20 a pidaso ti bala ti M16 rifle.

Nagresulta metlaeng daytoy iti panakakemmeg ti siyam a suspek iti nasao a lugar.