Panakaipatungpal ti naing-inget a pagalagadan sakbay ti akredistasyon dagiti NGOs ken POs, kidkiddawent ti Tabuk CPS sadiay Kalinga

BAGUIO CITY – Kiniddaw ti Tabuk City Police Station sadiay Kalinga ti panakaipatungpal ti naing-inget a pagalagadan sakbay ti akreditasion kadagiti Non-Government Organizations (NGOs) ken People’s Organizations (POs).

Sigun ken ni PLt.Co. Radino Belly, hepe ti Tabuk City Police Office, ar-aramaten dagiti komunista dagiti NGOs ken POs iti recruitment ken propaganda dagitoy.

Inlawlawagna nga adda dagiti organisasion nga agpampammarang laeng a tumultulong kadagiti nakukurapay ngem ti kinapudno ken ipatpatungpalda dagiti programa dagiti komunista.

Gapu iti daytoy, impetteng ni Belly a masapul a maibasura ti akreditasion dagiti organisasion nga ar-aramaten dagiti kabusor ti gobierno.