Impeksa ni President Ferdinand Marcos, Jr. a maysa a national concern ti maatap a panangpondo ti China ti maysa a kompanya a maikonkonekta ita kenni Vice President Sara Duterte iti kanito a mapaneknekan a pudno daytoy.
Iti tengnga ti impeachment trial kontra iti bise presidente,kinumpirmar ti Anti-Money Laundering Council (AMLC) a maysa kadagiti kompanya a maikonkonek kenni VP Sara ken asawana ti nakaawat iti agarup P319 Million manipud China ken Hong Kong.
Impetteng metlaeng ti Presidente a ti pondo manipud China ti maysa kadagiti pakasekan daytoy gapu ta mabalin nga agbalin daytoy a national security concern.
Iti baet dayta, mangnamnama ni PBBM a mapaneknekan a saan a pudno dagiti nasao nga alegasyon.
Immunan a pinaglibakan ni Atty. Salvador Paolo Panelo, pannakangiwat ni VP SAra dagiti nasao nga alegasyon ken impettengna nga awanan dagitoy iti basaran.
