Inlaksid ti Office of the Vice President ti maatap a pakainaigan ti tree planting activities daytoy iti Cale88 Foods Corporation a nainaig kenni Vice President Sara Duterte ken ti asawana a ni Mans Carpio.
Naiparuar ti pakaseknan kabayatan ti 45th nga aldaw ti impeachment trial ni Duterte idi Biernes, Nobiembre 20, 2026.
Impaganetget ni Prosecution counsel Atty. Erwin Matib a nangisayangkat ti OVP iti tree-planting, bayat nga awan ti insaysayangkat ti Cale88 a kapada nga aktibidad nga ar-aramiden dagiti sumagmamano a negosyo kasukat ti government tax breaks wenno incentives.
Kabayatanna, pinagkedkedan ti Defense counsel Atty. Justin Nicol Gular ti kinuna ni Atty. Matib.
Inawaganna daytoy a makaallilaw, dakes ti panggepna, ken awan asi ti prosekusion a manginaig iti isyu ti Cale88.//











