Kiniddaw ti kampo ni sigud a President Rodrigo Duterte iti International Criminal Court (ICC) nga imbasura daytoy ti testimonya ti sigud a pulis a ni P-0002 gapu iti maatap a kinaawan ti umdas nga ebidensiya, saan nga agtunos a detalye ken mapagduaduaan a kredibilidad dagiti testigo.
Sigun iti depensa , awan ti dokumento a mangsupsuportar iti testimonya ti sigud a pulis kadagiti nasurok iti 62,000 nga ebidensiya nga insumiter ti prosekusyon.
Kiniddaw metlaeng dagiti abogado ni Duterte nga iruar ti prosekusyon dagiti rekord ti criminal case dagiti testigo ken biktima tapnu masukimat ti kredibilidad dagitoy.
Awan paylaeng ti desisyon ti ICC iti nasao a kiddaw, bayat a naituding nga agrugi intun Nobiembre 30 ti trial ni Duterte seknan iti kaso daytoy a crimes againts humanity.//











