Posible nga agpaut iti dua a tawen wenno nasursurok pay ti panagdengngeg ti International Criminal Court (ICC) iti kaso ni sigud a Presidente Rodrigo Duterte.
Naituding a marugian ti trial proper inton Nobyembre 30, agarup 20 a bulan sipud idi naarestar daytoy iti Pilipinas.
Sigun kenni Atty. Gilbert Andres, maysa nga ICC accredited lawyer, posible a mapaababa wenno mailaylayon ti trial depende iti agbalin a taray iti hearing ken kapartak iti panangilatag ken panangipasango ti dua a benneg kadagiti testio ken ebidensya da.
Manamnama met a personal a makipaset ti sumagmamano a kabagyan dagiti biktima iti serye ti hearing.
Inlawlawag ni Atty. Andres a maysa laeng a klase iti international crime ti agdama a sangsangwen ti sigud a presidente, isu’t gapunna a mas simple ti nasao a kaso nu idilig kadagiti dadduma pay a kaso a naigemman ti international tribunal.
