Imbinglay ni Junessa Cloe, 37-anyos ti kapadasanna iti pannakatiliw daytoy iti Oplan Double Barrel Tokhang iti katingitingan ti war on drugs iti administrayon ni sigud a president Rodrigo Duterte idi 2016.
Sigun kenkuana, agtawen iti 20 wenno 22 idi nakemmeg daytoy.
Innayon ni Cloe nga idi kabalasangna ket makipaspaset iti beauty pageant.
Ditoy metten a pinadasna ti agaramat iti Shabu nga inyam-ammo ti handler daytoy.
Sigun pay kenkuana, naawis daytoy babaen iti kinuna ti handlerna a makatulong ti panagaramatna ti droga iti pagentry agingga a na-adik daytoy ken natiliw.
Kabayatanna, ikonkonsidera ni Cloe a blessing in disguise ti napasamak kenkuana.
Innaklunna a narigat ti kapadasanna nangruna idi agrugrugi daytoy nga agbaliw ken isardeng ti panagaramat iti droga.
Nupay kasta, nabaelanna agingga a nagbalin a nurse ken agtibo nga advocate ti drug prevention.
Babaen iti panagbalinna a registered nurse, in-inut a nasubalitanna ti kinaimbag ken tulong a naipaay kenkuana.
“I really care a lot kasi nabigyan ako ng maraming pag-aaruga and I want to give back.”- Cloe
Ginuyuguyna ni Cloe ti publiko, nangruna dagiti drug users a saan nga agbain nga ummasideg nga agpatulong agsipudta adda dagiti nakasagana tumulong kadakuada para iti panagbalbaliw dagitoy.//Bombo Noveh Organo





