490 kilos a karne ti baboy nga awanan ti kaskenan a sertipikasyon, nakumpiskar ditoy Baguio City

BAGUIO CITY – Kinumpiskar ken dinadael dagiti personnel ti Baguio City Veterinary Office ti agarup 490 kilos a karne ti baboy a naduktalan nga awanan iti meat inspection certificate manipod iti National Meat Inspection Service wenno dadduma pay a maseknan nga ahensiya.

Maibasar iti blotter ti BCPO, Station 7, ti karne ti baboy ket nakumpiskar iti maysa a pagtagilakuan ti karne sadiay Baguio City Public market iti naipatungpal a killaat nga inspeksiyon ti City Veterinary Office, alas dos ti parbangon idi kalman, October 18.

Aggatad met iti P122,000 ti karne ti baboy a nakumpiskar ken mapapati a “hot meat” a tagilako ti maysa a babai a retailer ti karne.