BAGIUO CITY – Mangnamnama ti panakabagi ti Pilipinas iti Miss Earth 2020 nga agbalin a dakkel nga adal ken mensahe iti publiko ti mapaspasaran ita nga epekto ti climate change tapnu agaksion ken isubli ti sigud a langa ti nakaparsua-an.
Sigun kenni Miss Earth Philippines 2020 Roxanne Allison Baeyens, panawenen tapnu maisubli ti simple a panagbiag ken panawen tapnu maisubli ti sigud a langa ti nakaparsua-an para iti masakbayan.
Mangnamnama ti Igorota beauty queen manipud Baguio City a salwadan ita dagiti tao ti nakaparsua-an tapnu saanen a maulit pay dagiti bangungot nga intunda dagiti napalpalabas a bagyo.
Kagiddan iti daytoy, nangisayangkat ti Filipina-Belgian iti ‘live selling for a cause’ para kadagiti bitkima ti Typhoon Ulysses sadiay Cagayan ken iti animal rescue efforts.
Impaimana iti youth-led movement a Zero Hunger Philippines ken iti Animal Kingdom Foundation ti naurnong a gatad manipud iti panagilakona ken dagiti papagayamna iti badbado.
