BAGUIO CITY -Nakikaykaysa dagiti nagduduma a barangay ditoy Baguio City ken dagiti pulis iti panakaisayangkat ti candle lighting ken walk for peace kagiddan ti anibersaryo ti rebelde a New People’s Army idi kalman.
Indauluan dagiti agtutubo ti candle lighting ken walk for peace iti masakupan ti Baguio City Police Office – Station 7, no sadino, nagnada manipud sadiay Malcolm Squate agingga iti Melvin Jones Grandstand a nakaiggem iti kandela.
Imparangda pay ditoy dagiti placard a nakaisuratan ti panangkondinarda kadagiti NPA.
Nakipaset metlaeng iti aktibidad dagiti kameng ti Philippine Army, ti pulisya, dagiti personnel ti DILG ken ti religious sector babaen iti maysa a pastor a nangidaulo iti kararag para iti kappia.
Naitampok pay iti aktibidad ti panagbuya kadagiti lagip iti kinaranggas nga inar-aramid ti NPA.
Maipalagip nga indeklara ni Presidente Rodrigo Roa Duterte a terrorist group ti
CPP-NPA idi 2017.
