--Ads--
BAGUIO CITY – Natiliw ti maysa kadagiti Regional Top 10 Illegal Drug Personality ti Cordillera Region iti buy-bust operation nga insayangkat dagiti otoridad sadiay Jose Abad Santos Drive, Burnham-Legarda, Baguio City idi kalman.
Nabigbig daytoy a ni Joey Mar Pislaan Gando, 30-anyos, laborer, residente ti Tulingan, Brgy. 14, Caloocan City ken maysa a High Value Individual drug personality.
Nakumpiskar kenkuana ti maysa a transparent plastic cellophane a naglaon ti mapapati a shabu nga agdagsen ti 75 a gramos ken aggatad ti mapattapatta a P510,000.
Narekober pay ditoy ti naaramat a buy-bust money ken boodle money.
Iti agdama, sumangsangon ni Gando iti kaso a panaglabsing iti Comprehensive Dangerous Drugs Act of 2002.
