BAGUIO CITY – Sumangsango iti kaso a panaglabing iti RA 9165 wenno Comprehensive Dangerous Drug act of 2002 ti maysa a lalaki sadiay Purok 7, Bakras, Bulanao Centro, Tabuk City, Kalinga
Nabigbig daytoy a ni John Rinze Orquista Viloria, 22 anyos, baro, awanan trabaho ken residente ti Orchids Street, IBC, Marikina City
Maibasar iti report, nakaawat dagiti otoridad iti awag manipod iti maysa a hotel seknan iti maatap nga iligal a transaction iti iligal a droga ti maysa kadagiti bisita dagitoy
Iti panagresponde dagiti otoridad, nasarakan iti bag ti suspek ti dua a bloke ti maatap a napagango a bulong ti marijuana ken sanga nga agdagsen iti 2000 grams nga addaan iti Standard Drug Price a 240,000
Iti agdama, adda ti suspek iti kustudiya ti Tabuk PNP kabayatan iti pannakaisagana ti kaso a maipila kontra kenkuana.
