Imbinglay ni Hannah Galvez, Bombo International News Correspondent manipud Japan a kadawyan a mapaspasamak ti panagdayyeg sadiay Japan no sadino daytoy ket napasamak ita nga aldaw nangruna iti northeastern part ti Fukushima, Japan.
Iti panakiuman ti Bombo Radyo kenni Galvez, kinunana nga awan ti nairuar a tsunami warning iti nasao a didigra ken awan met ti nailista a nadangran wenno naapektaran.
Sigun kenni Galvez, dagiti cellphone, radio ken telebisyon dagitoy ket kanayun a nakasagana a mangipaay ti update no adda ti kaspangarigan gingined a mapasamak.
Tunggal tawen, kinuna ni Galvez a maisaysayangkat ti training wenno drills maipapan iti panagbalin nga alerto dagiti umili no adda a mapasamak ti anyaman a didigra.
Daytoy ket tapno sisasagana dagitoy no mapasamak daytoy iti realidad.
Innayon ni Galvez a maysa kadagiti kaimportantean nga ugali dagiti Hapon ket ti panagtungpalda iti gobyerno dagitoy, rason no apay nga awan unay ti maap-apektaran no adda dagiti didigra a mapaspasamak.//Mira
