“I want to pursue something bigger than me,” dayta ti impeksa ni Atty. Hezy Jane Paculan, 2024 BAR Exam Passer.
Iti panakiuman ti Bombo Radyo kenkuna, kinunana a “very grateful” daytoy iti nagbalin a resulta ti nasao nga eksaminasyon nangruna ket talaga a narigat daytoy.
Sigun kenni Atty. Paculan, kaduana dagiti nagannakna idi pinadaananda ti resulta babaen iti live announcement iti social media nu sadino idi maamoanda a nakapasa daytoy ket mas nagbalin nga emosyonal dagiti nagannakna.
Imbinglayna a saanna a binalak ti sumrek iti law ngem babaen iti panang-allukoy dagiti pamilyana ket impadasna daytoy.
Iti kinarigat ti nasao a kurso, dagiti nagannakna ti nagbalin nga inspirasyonna tapno ituloyna daytoy nangruna ket adda dagiti panawen a saan a mamati daytoy iti bukodna a bagi, ti pamilyana ti mangipakpakitana a kayana a gun-oden ti tarigagayna nga agbalin kas abogada.
Innayon ni Atty. Paculan nga iti panagserrek iti law school ket dumteng dagiti panawen a marikna ti maysa nga law student nga ag-give up nupay kasta, impeksana a nasken nga ammoen ti rason nu apay nga “in the first place” ket narugian daytoy.
Iti panagadal ni Atty. Paculan, insabayna daytoy iti trabahona rason a nu saan unay nga ado ti load wenno trabaho daytoy ket dita nga agturturong iti library tapno agadal.
Kabayatanna, impeksana a dakkel ti tulong ti panagadalna iti uppat a tawen ti law iti panag-take na iti BAR exam gapu ta daytoy ti nagserbi kas pondasyonna.
Inyunay-unay ni Atty. Paculan nga anya man ti kinarigat ti maysa a banag ket ipadas ladta tapno maamoan nu anya ti pagbanaganna.
“You never know unless you tried, life works in wonder”
Mapatta-patta a dumanon iti 170-K a trabaho iti lokalidad ken ballasiw -taaw ti maidiaya iti pagilian iti maisayangkat a natiowide job fair inton Mayo...
