Pimmusay ti maysa a nataengan gapu iti napasamak nga uram iti maysa a comedy bar sadiay Legarda Road, Barangay Burnham-Legarda, Baguio City itay laeng agsapa.
Maibasar iti inisyal nga imbestigasyon ken sigun metlaeng iti all around a helper wenno ti welder iti nasao a bar, madama nga iwelweldingna wenno isimsimpana ti paset ti likod ti nasao a bar idi naiparsyak ken nagtedted ti apoy ti welding iti soundproofing wenno foam ti bar.
Dagusda met a sinebseban ti danum ngem saanda daytoyen a nabaelan rason a rinumwarda ken binagaanda dagiti dadduma pay a kakadwada iti uneg.
Nupay kasta, saan a nakaruar ti biktima nga isu ti lakay a nangitunda ti ipupusayna iti baet a naitaray a dagus iti ospital.
Naiyawag met ti napasamak nga uram kadagiti kameng ti Beauru of Fire Protection iti alas otso kwarentay sais ken naideklara a fire out daytoy iti alas nuebe baente uno idi agsapa.
Maibasar metlaeng iti inisyal nga imbestigasyon, dumanon iti agarup P378,000 ti danyos, bayat a dagiti pito nga indibidual ti naapektaran iti daytoy.
Kabayatanna, maysa a pusa ken uken ti narescue, ngem natay metlaeng ti uken.
Maikalima metten daytoy nga uram a nailista ti syudad ti Baguio.
Gapu iti dayta, nagpalagip manen ni Fire Supperintendent Hernandez Odiver, City fire marshal ti syudad ti Baguio iti publiko tapno maliklikan ti uram.//Bombo Noveh Organo
