Atapen ita dagiti daduma a fans dagiti agassawa a da Andi Eigenman ken Philmar Alipayo a dagitoy ket nagsinan.
Rimsua ti sayanggusing kasaruno iti panangipablaak ti Swedish Content Creator a ni Pernilla Sjöö iti ladawanda kenni Alipayo nu sadino, naipakita ti matching arm tattoo dagitoy ken addaan iti caption a “2Today, 2Tomorrow, 4Forever ♾️.”
Ad-adda pay a kimmaro ti panagatap dagiti netizen kalpasan a nangipablaak met iti Instagram ni Eigenman iti ladawan wenno representasyon iti uleg, kasta metten ti ladawan nga addaan iti nakasurat a “They stab you and pretend they are the ones bleeding.”
Iti kapada metlaeng a social media account, nangipablaak met babaen iti stories feature ni Alipayo nu sadino, nakalanad ti “You can call me a cheater and ugly now. But thanks to the people who messaged me and got to know me,” iti lengguahe daytoy a Bisaya.
Ti panagdenna da Philmar ken Andi ket maysa kadagiti daydayawen ti daduma gapu iti simple nga island lifestyle dagitoy.
Nangrugi ti panagdennada idi 2018 ken iti agdama ket addaandan iti dua nga annak.
Iti agdama, awan pay ti impaay dagiti dua seknan iti isyu ken saanda pay a kinumpirmar nu nagsinadan.
