Imbilin ti Sandiganbayan ti 90-days preventive suspension kontra kenni Leyte 1st District Representative Ferdinand Martin Romualdez mainaig iti kaso a naipila kontra kenkuana iti anti-graft court.
Sigun iti resolusyon nga inpaulog ti kortem, ti nasao nga addang ket maitunos iti Republic Act No. 3019 wenno Section 13 ti Anti-Graft and Corrupt Practices Act.
Inlawlawag ti Sandiganbayan a daytoy ket saan a pannusa ken pinal a pangngedeng nu di ket maysa a probisyon ti linteg tapno masigurado a saan nga aramaten ti asinoman nga opisyal ti posisyon na bayat nga agtultuloy ti panagdengngeg.
Iti sidung ti nasao a pammilin, temporaryo a maisardeng ti panagserbi ni Romualdez kas Representative ti Leyte ken dadduma pay nga opisyal a responsibilidadna a konektado iti opisina daytoy iti las-od ti tallo a bulan.
Kabayatanna, impeksa met ti kampo ni Romuldez a raraemenda ti proseso ti linteg ngem panggepda ita a mangipila kadagiti kaskenan a legal nga addang wenno motion for reconsideration seknan iti nasao a direktiba ti korte.
