Binaliktad ti Korte Suprema ti nagbalin a desisyon ti Sandiganbayan a ‘guilty; kontra kenni sigud a First Lady Imelda Marcos.
Iti desisyon nga inparuar ti Korte Suprema, imbasura daytoy ti ‘conviction’ iti sangsangwen ti sigud a First Lady a pito a bilang ti kaso a graft.
Ti nasao a kaso ket nagramot iti alegasyon kontra iti first lady a financial interest iti agarup pito a pribado a foundation iday Switzerland.
Iti desisyon ti Korte Suprema a napetsaan iti Hunyo 10, 2026, a naipablaak laeng ita nga aldaw, Setiembre 9, binaliktad ti First Division ti Korte Suprema ti immunan a desisyon ti Sandiganbayan idi Nobiembre 2018 a ‘guilty’ ti sigud a First Lady iti pito a bilang ti kaso a graft no sadino napatawan daytoy iti pannusa a pannakaibalud iti sag-innem agingga 11 a tawen tunggal bilang iti nasao a kaso.
Iti nasao nga kaso, naakusaran ti sigud a First Lady iti pinansyal nga interes ken mapapati a pannakipaset iti panangimanehar tii sumagmamano a non-government organization idiay Switzerland manipud 1978 agingga 1984 idi daytoy pay laeng ti nakatugaw kas Minister of Human Settlements, Metro Manila Governor, ken temporaryo a miyembro ti Batasang Pambansa.
Sigun iti immunan a desisyon ti Sandiganbayan, naipatakder dagiti nasao a foundations tapno pagnumaran ti pamilya Marcos.
Nupay kasta, naibasura ti nasao nga alegasyon babaen iti Korte Suprema no sadino impettengda nga awan ti naipresenta nga umdas nga ebidensya tapno mapaneknekan dagiti nasao nga alegasyon.
