Puntirya ti munisipyo ti La Trinidad a makapartuatda iti 16K cake slices kas paset ti strawberry cake fest nga aktibidad ti nasao a munisipyo para iti maysa a bulan a selebrasyon ti strawberry festival.
Iti panakiuman ti Bombo Radyo kenni Valred Olsim, Municipal Tourism Officer iti munisipyo ti La Trinidad, kinuna daytoy a ti giant kayabang cake ita a tawen ket tributeda para iti 2024 Guinness Book World Record Holder a Giant Strawberry Cake.
Innayonna pay nga iti daytoy ket mangaramidda iti 500 pans ti strawberry shortcake nga addaan iti kinadakkel a 12 by 18 by 12 inches a slice a buklen ti 280 kilos a white ken red strawberry.
Sigun kenni Olsim, ti konsepto ti nasao a giant cake ket ti giant Kayabang cake a naipreview idi napalabas a tawen ket daytoy ket a konsepto ket inspired iti tema ti Strawberry Festival 2025 a “Semek La Trinidad.”
Ti Semek ket Ibaloi term nga addaan iti kaipapanan nga ayat no sadino nakuna ni Olsim a ti kasayaatan a wagas tapno maipakita ti ayatda iti nasao a munisipyo ket ti pangital-oda kadagiti naisangsangayan a produkto ti La Trinidad nga strawberry ken dadduma pay nga agricultural products.
Dagitoy a produkto ket maipakita amin iti giant kayabang cake.
Ti strawberry cake festival ket maysa a traditional activity ken maysa a highlight iti nasao nga aktibidad.
