Kidkiddawen ti Abra Police Provincial Office iti publiko ti tulong ken kooperasyon dagitoy babaen iti panangipakaammo kadakuada iti impormasyon tapno mabigbig dagiti suspek iti napasamak nga ambush a nakatayan dagiti dua nga indibidual sadiay Sitio Palicad, Poblacion Pilar, Abra, idi laeng kalman.
Mabalin laeng nga iyawag daytoy iti numeroda wenno personal nga agreport iti opisina dagitoy.
Daytoy ket tapno mapagtalinaed ti linak ken kappia iti intero a probinsya ti Abra.
Iti agdama, agtitinulong metten ti Abra Police Stations, Crime Investigation and Detection Group, Regional Intellegence Unit ken dadduma pay nga opisina para iti pannakabigbig dagiti suspek.
Gapu iti dayta, manarimaan metten ti naun-uneg ken nainget nga imbestigasyon dagitoy iti nasao nga insidente.
