Boluntaryo nga insuko ti maysa a lalaki nga addaan iti legal a tawen, addaan iti asawa, taxi driver, ken residente sadiay Upper San Vicente, Baguio City ti maysa a pistol, dua a magazine, walo a pidaso ti ammunition, ken addaan iti marka iti lower receiver daytoy kabayatan ti impatungpal ti Baguio City Police Office Station 8 nga Oplan Katok.
Ti nasao a pistol ket addaan iti expired license idi Pebrero a dose dos mil biente tres.
Maibasar iti report ti pulisya, ti nasao a lalaki ket nailista iti masterlist iti Area of Responsibility ti Baguio City Police Office Station 8 ken maysa daytoy a bambantayan ti nasao nga istasyon para iti Oplan Katok iti Calendar Year 2025.
Ti nasao nga aktibidad ket resulta ti nainget a kampanya dagiti kameng ti pulisya kontra iti illegal possession of firearms ken Oplan Katok.
Daytoy metlaeng ket babaen iti panagregget dagiti personnel a mangkumbinsir kadagiti agtagikua iti paltog tapno isurrenderda dagiti loose ken saan a rehistrado a paltog dagitoy nga addaan iti expired license tapno maliklikan dagiti posible a sanctions seknan iti provisions ti RA 10591 wenno ti Comprehensive Firearms and Ammunition Regulations Act of 2013.
